وعليكم السلام ورحمة الله وبركاته
هــلا بك وليــد ..
بالنسبه للصعوبات تختلف من شخص لآخر
في الغالب تكمن في اللغه .. اللي يدخل طب يحتاج يعرف انجليزي أو يصبر عليه
لأن اللغه هي أهم شئ .. إذا مشيت فيها راح تعدي حاجز كبير جدا
عشان كده اللي لغته مش مره كويسه ..
لازم يحاول اول ما ينقبل يروح ياخذ دورة أو حتى قبل لا ينقبل .. ياخذ دورات تساعده انشا ءالله
والسبب أنه في الطب راح ياخذ ماده خاصه بالمصطلحات الطبيه وترجمتها بالانجليزي
غير أنه كل دراستهم بالانجليزي
صعوبه ثانيه .. هي أسئلة الاختبار وكمان تختلف من دكتور لآخر
في دكاتره يجون معقدين مره وأسئلتهم ما تنفهم .. وأحيانا وقت الاختبار ما يكفي
بالذات لو كان الاختبار أسئلته مقاليه .. لأن البعض كتابتهم بطيئه
ولو كانت كلها اختياري .. ممكن يكون الواحد سهران ومتنح فيصير فهمه بطئ
إضافه إلى إن الكم كبير جدا .. والواحد ما يدري وش يبدا يحفظ ووش يطنش ههههههه
وياما طنشت .. لكن أذاكر بعدين في الإجازه
صعوبه المرحله السريريه .. اللي تقابل فيها المرضى
أنه انا لاحظت الطلبه دايم مضيعين ولا عارفين وش يسوون
في عيب انه مافي ماده خاصه بالمرضى والتعامل معاهم .. فهو شئ كلينيك ويتعلمه الطالب فقط بالممارسه
بينما تخصص العلاج التنفسي .. عندهم الماده هذه من سنه ثانيه وتلاقيهم احسن من طلبة الطب في الامور هذه
صعوبة أحيانا تكون في كثرة الأبحاث .. يعني احنا يمدينا نذاكر عشان نسوي الأبحاث المطلوبه
'>
ولازم أبدا ما تنصدم بدرجاتك .. أحيانا تخرج من الاختبار وإنت متأكد من كل حاجه
وتتفاجأ بأخطاء .. وأحيانا ما تقتنع فيها ..
ولا أخفي عنك أنه أحيانا الدكاتره تصحح على كيفها ..
بينما بعض الدكاتره رااااااااااااااائعين جدا ( الله لا يحرمنا وإياكم منهم )
اممممممممممممم .. ومواعيد الاختبارات ضاربه في بعض .. ووو والله ما أتذكر
اي كمان في المرحله السريريه .. تقابل مرضى الله لا يوريك .. بعضهم يهزأك إلى ما تقول بس
وبعضهم لازم تدفه بكم واسطه عشان يعطيك معلومه عن نفسه .. خصوصا وقت الاختبار
والله يهدي بعض الدكاتره احيانا يجيبون مرضى ما يتكلموا لا انجليزي ولا عربي
وإنت دور كيف تتفاهم معاهم .. عشان كده أنصح أنه اللي يتكلمون انجليزي كويس
يدرسون أما هندي أو فلبيني قبل ما يدخلوا في المرحله السريريه ( راح تفيدهم كثير ) ههههههههههههههه
بس صدقني متعة دراسة الطب تزيد كثيييييييييييير إذا دخلت المرحله السريريه
ومقابل المرضى رغم أنه أحيانا يعور القلب .. لكن راح تستمتع كثيييييير
وما عليك لو نقصت درجات .. ما راح تنتهي الدنيا .. أهم شئ وقت الكلينيك يكون مخك مفتح كويس ..
وأهم شئ تكون طويـــل بــــــــــــــال ... ولا تخاف راح تستمر انشاء الله إذا إنت عزمت فعلا
وسلامتك .. أتمنى ما أكون طولت عليك
على فكره أنا في جامعة فيصــل ( ما ادري عن الجامعات الثانيه كيف )