السلام عليكم .. أولاً أجر وعافية أستاذي .. ثانياً اعتذر نسيت موضوع المقاسات وكان تطبيقي كبير ..
لي سؤال ياأستاذ الخالد ، بالنسبة للمسار على شكل الدائرة ، رسمته وكان مفتوح مثل ماقلت وطبقت نفس الخطوات لكن ماكان العمل متقن ، ماأعرف السبب ، احتمال خطأ مني لكن حاولت أكثر من مرة ، تنفع في المسار الحر لكن على الدائرة ماتجي !! شي ثاني .. ولو إن تطبيقي تم إلاّ إني أحس بنقص في المعلومة ، مثلاً قولك ( يفضل قفل شفيفة الدليل بالضغط على المنطقة (2) في الصورة التالية... ) ليش اذا كان عملنا المبدئي يتم في شفيفة الدليل !! وقولك ( نختار الفريم الأخير من شفيفة الكرة ... ثم نقوم بنفس العمل السابق ، لكن مع الطرف الآخر للمسار.. ) لما اختار الفريم 30 اللي هو الأخير يختفي المسار !! يمكن يكون الخطأ نتيجة سوء فهم مني ياأستاذ ولهذا أتمنى اعرف موضع خطأي .. شكراً لك مرة أخرى وطهور ان شاء الله ..
السلام عليكم .. أختي Tamy 50 التطبيق حلو وتسلم الأيادي ، وياليت تقوليلي على الطريقة في حركة الدائرة '>
أخي الخالد .. جربت على السريع ، وسؤالي .. مثلاً تراجعت عن لون معين في التطيبق وبأغيره ، كيف ؟ بعد ما أكون طبقت التأثير طبعاً .( واضح سؤالي في الدائره من التطبيق ) .. في الوان الخطوط الموضوع سهل لكن اتعبني شوي في الأشكال ..
السلام عليكم .. معليش أستاذي لكن ايش تسوي الله بلاك بطالبة رزيلة شويتين '> موضوع تفكيك الصورة هذا مسبب لي قلق ، ماصدقت اخلص من الكتابة طلعت لي الصور '> كنت أحسب البرنامج يتفهم بسرعة زي السويتش والفوتوشوب طلع شي ثاني '> يعني نفسي أفهم افككها ليش ؟ هل في النية مثلاً أعمل تأثير على أجزاء من الصورة ، أو ليش بس افهم '> وبعدين ، قلت في كلامك ممكن أحتاج لتكرار العملية أكثر من مرة طيب كيف اعرف اني مااحتاج اكثر من مرتين مثلاً ؟! برضه موضوع تحرير الصورة فيه سؤال ، بيكسلات الصورة اتأثرت بالتحرير الحر ، كيف احرر الصورة بدون ماتتغير البيكسلات ؟ أعتذر ياأستاذ على كثر اسئلتي ..
السلام عليكم .. عذراً أستاذي لكن حقيقي ضعت '> ايش المقصود بتفكيك الصورة اساساً ، وليش ؟ التحكم بالصورة بعد إدراجها نتج من يمين الفارة واختيار Free Transform
بعد إذن الجميع ، أجاوب على السؤال الثاني .. بالنسبة لموقع الاستضافة المجاني موقع جيران يفي بالغرض والتسجيل فيه بسيط .. بمجرد ماتنفتح الصفحة تجد في اليمين خانة تحت مسمى خدمات اختار منها ( احصل على موقع مجاني ) تظهر صفحة بها جدول من ثلاث أعمده يحدد نوع الخدمات والاسعار في حال التسجيل المدفوع الثمن ، طبعاً نحن بصدد التسجيل المجاني باعتبار الموضوع مازال تجربة جديده .. يهمنا العمود الثاني في آخره بالضبط مكتوب ( سجلوا مجاناً ) ومنها تفتح صفحة للبيانات اتبع كل اللي فيها - والموضوع جداً بسيط - بعد مايتم التسجيل ، أصبح عندك اسم خاص ورقم خاص كل اللي عليك كل ماتزور الموقع سجل دخول واختار إدارة موقعك الشخصي - إدارة الملفات - تحميل الملفات من جهازك - ثم تظهر صفحة تتيح لك تحميل خمس ملفات ( قابلة للزياده ) بجوار كل وحده استعراض - لتحديد موقع الملف من الجهاز - ( ومهم ان اسم الملف أو الصورة يكون انجليزي ) - بعدها انتظر التحميل وخلاص '>
السلام عليكم .. بمناسبة المجهود الرائع للأستاذ الخالد في شرح الفلاش ، حبيت اعرض برنامج خاص بالشرح وجدته في أحد المنتديات وللآن ماجربته ، لكن قلت اعرضه للأستاذ الخالد ولمن يحب الفائده في مثل هذه المواضيع .. تفضل بسم الله تحياتي للجميع ..