أنا أيضا اخترت هذا التخصص
وبنتظر الدوام بفارغ الصبر
لأني اخترت التخصص وأنا مقتنع تماما فيه
أما معلومات عنه:
بتدرس في مواد التخصص كل شيء عن الجينات وبتدرس مادة اسمها التقانات الحيوية الصيدلانية أتوقع رح ندرس فيها شوي عن الأدوية وفي من مواد التخصص لها علاقة بالنباتات والبكتيريا بس بشكل عام مواد التخصص بتدخل بجسم الانسان والحيوان و جيناتهم
وفي من مواد التخصص عن الأمصال
مجال العمل:
ممكن تشتغل في مختبرات البحث العلمي أو بالمستشفيات بالأقسام يلي بدخل فيها علم الجينات مثل قسم أطفال الأنابيب وممكن تشتغل في وزارة الصحة في قسم الأدوية والمختبرات وممكن بالمختبرات الجنائية
أنا قبل ما أسجل سألت دكتور بالجامعة عن التخصص وشجعني أكمل دراسات عليا بعد البكالوريوس هيك بكون مجال العمل أوسع
ممكن تكمل على البكالوريس ماجستير علوم جنائية أو طب شرعي أو نفس تخصص البكالوريوس هندسة وراثية
هذا التخصص يتطلب 130ساعة معتمدة
يعني أقصى حد 4 سنين من غير الفصل الصيفي
وضمن الساعات في 3 ساعات معتمدة تدريب ميداني لكن للأسف ما بعرف عن التدريب شيء
تعرفت على أخت شجعتني على التخصص
معها ماجستير هندسة وراثية وبتشتغل في مختبرات البحث العلمي
بتشتغل على كيفية اكتشاف الأمراض الوراثية عند الإنسان لما يكون جنين في بداية الحمل
والقسم الثاني من المختبرات كانوا بشتغلوا على إيجاد دواء لإنفلونزا الخنازير بعد ما تمكنوا من فك الشيفرة الوراثية للفيروس
هذه معظم المعلومات الموجودة عندي
إن شاء الله تفيدك
وأي سؤال أنا جاهز
'>
'>
