الرسائل

1

منتدى علم الكيمياء / برامج وعروض كيميائية

« في: مارس 14, 2003, 01:03:16 صباحاً »

السلام عليكم
يعطيك العافيه اخوي ابوالحروف على هالبرامج الاكثر من رائعه ،، وبصراحه المنتدى كل يوم والثاني يصير احلى وانشالله للاحسن .. والله يوفجكم اجمعين ..
اختك
زهور

2

منتدى علم الكيمياء / هل تأتي أسئلة من خارج الكتاب في امتحان الوزاره؟و ما الحل ؟دل

« في: ديسمبر 20, 2002, 12:21:52 صباحاً »

السلام عليكم

انا اوافق اللي قالوا انه في اسئله من خارج الكتاب تيي في الامتحان .. لاني جربت هالسالفه و على قولة المثل اسأل مجرب ولا تسأل خبير ..

وانا شفت بعيني الاسئله يعني محد قالي ،، بس كانت اسئله تعتمد على الفهم واذا فكرت فيها بهدوء وتمهل راح تلقى انها سهله بس تحتاج لوقت ...
انا صادفت هالاسئله في مادتي الاحياء والفيزياء ..
وبصراحه انصحك اخوي انك تترك هالسؤال اخر شي وتجاوب على كل اللي تعرفه وبعدين اخر  شي ترجع للسؤال وتفكر فيه شوي شوي وتحاول تربط بينه وبين اي معلومه تقدر توصلك للحل واذا ما عرفت اكتب اللي تعرفه عن الموضوع اللي يتحجى عنه هالسؤال ..
واذا حبيت تاخذ فكره عن مثل هالاسئله تقدر تشوف الامتحانات مالت السنين اللي طافت
واذا كانت الماده علميه دور عن الامتحانات مالت قبل 3 سنين واذا الماده ادبيه دور عن امتحانات قبل 7او 6 سنين ...
اختك زهور

3

منتدى علم الكيمياء / عتاب

« في: ديسمبر 20, 2002, 12:09:31 صباحاً »

السلام عليكم
احب اعبر عن رأيي وياكم بالموضوع هذا ،، واللي اعتبره موضوع يبيله وقت عشان نعرف ليش احنا مو مثل جابر بن حيان او غيره من المنكبين على العلوم ..
 
انا اعتقد انه السب الرئيسي اهوا انه احنا تعودنا على المعلومه السهله ،، والمعلومه السهله انا اقصد فيها ان دراستنا هالايام والطريقه اللي توصلنا فيها المعلومات صارت سهله يعني ما قمنا نتعب عشان نوصل للمعلومه وما في تشجيع عشان نوصل للمعلومه  ،،

بس لو نشوف جابر بن حيان وامثاله راح نلقى طرق البحث عن المعلومه واستنتاج حقائق ما كنا نعرف انها موجوده اصلا طرق صعبه و تحمل في طياتها كل الطموح والامل في النجاح وكل واحد منهم اتخذ قدوه ياخذ منها الخصال اللي تفيده وتعينه لتحقيق النجاح في عمله ..

واسفه على الاطاله
اختكم زهور

4

منتدى علم الكيمياء / Essential & Non essential water

« في: ديسمبر 19, 2002, 09:58:56 مساءاً »

السلام عليكم
حبيت اشارك بموضوع بسيط قريته في كتاب عن الكيمياء العامه واتمنى انكم تستفيدون منه ولو شوي .. والموضوع راح اكتبه بالانجليزي واذا احتجتوا لأي ترجمه انا موجوده ..

والموضوع يتحجى عن مقارنه بين المركبات اللي يكون فيها الماء مكون اساسي او غير اساسي ...
essential water :is the water that is an integrl part of a solid chemical compound which is a stable solid hydrate  
Example
Bacl2.2H2O
* Essential water have 2 types :
1) water of costitution : is water that is formed when a pure solid is decompersed by heat or other chemical treatment
Example : KHSo4 ... NaHCo3
2) water of Crystallization : when solid heated at high temperature . it looses it`s water containt &changes it`s physical appearance  
Example : CuSo4.5H2O  ----->CuSo4 +5H2O
          blue             white     gas  

Non Essential water : is the water that is phsically retained by solid.
Types :
1) adsorbed water : is a type of non essential water that is retained on the surface.
2) sorbed water : quantity of sorbed water is often large 20 %or more .. Example : collidal substance.
3) occluded water liquid water entrapped in microscopic pockets  . Example :   minerals troks  
 
واسفه على التقصير .. اختكم زهور

5

منتدى علم الكيمياء / خلصت البحث

« في: نوفمبر 21, 2002, 10:00:44 مساءاً »

مساء الخير
اول شي اتمنى انكم تكونين بخير .. وبعدين حبيت اشكركم على المواقع
اللي استفدت منها وايد وخاصه اخوي ابو الحروف يعطيه العافيه ....
وانا الحين خلصت من البحث وانشالله احاول احط جزء منه اهني اذا قدرت ..
واعذروني لقله مشاركاتي بس انا مو وايد ادش النت ..

واذا ما عليكم امر حبيت اعرف معلومات عن برمنجنات البوتاسيوم كعامل
 مؤكسد
و كبريتات الصوديوم الهيدروجينه كعامل  مختزل ..

مع الف سلامه
اختكم زهور

6

منتدى علم الكيمياء / كيمياء عامه

« في: أكتوبر 25, 2002, 10:12:49 مساءاً »

مساء الخير
اخوي ابو الحروف مشكور وايد عالموقع صراحه فيه شغلات حلوه وايد واستفدت منها
وايد والله يعطيك العافيه ..
اختك زهور

7

منتدى علم الكيمياء / كيمياء عامه

« في: أكتوبر 20, 2002, 11:47:35 مساءاً »

مساء الخير مره ثانيه
اي نعم اخوي انا دورت بالمواقع اللي حصلتها اهني بس ما لقيت الشغلات اللي انا ابيها
ومو مشكله اذا كانت المواقع بالانجليزي لاني اساسا اكتب البحوث بالانجليزي
واتمنى انك تساعدني .
اختك زهور

8

منتدى علم الكيمياء / كيمياء عامه

« في: أكتوبر 19, 2002, 08:50:46 مساءاً »

مساء الخير
انا دورت بأكثر من موقع عن الكيمياء بس المواقع كلها تخص فرع من فروع
الكيمياء يعني اما موقع عن الكيمياء العضويه والا غير عضويه او التحليليه او غيرها...
بس انا محتاجه موقع يتكلم عن الكيمياء العامه بشكل واسع شوي واتمنى انه يضم في
محتواه التعاريف اللي تخص الكيمياء العامه مثل الكتله والمول والكتله المكافئه والاكسده
والاختزال .. مو مشكله اذا كان الموقع بالانجليزي لانه انا محتاجته بالانجليزي بس اذا
موجود بالعربي انا راح اترجمه واتمنى انكم تساعدوني ...
اختكم
زهور

9

منتدى علم الفيزياء العام / اتمنى انكم تساعدوني

« في: أكتوبر 11, 2002, 09:37:15 مساءاً »

مساء الخير
مشكور اخوي وايد وايد عالاجابه واتمنى انها تكون صحيحه . ويعطيك الف عافيه
مع السلامه
اختك زهور

10

منتدى علم الفيزياء العام / اتمنى انكم تساعدوني

« في: أكتوبر 10, 2002, 06:36:30 مساءاً »

عندي سؤال يخص تجربه البندول البسيط واتمنى تساعدوني ..
السؤال اهوا ليش اذا استخدمنا البندول في قياس الجاذبيه الارضيه نخلي البندول
يروح ويرجع عشر مرات ؟؟ يعني اشمعنى عشر مرات ليش مو اكثر وليش مو اقل ؟؟
اتمنى انكم تجاوبوني بسرعه لانه سؤال مطلوب علي بالبحث وانا ما حصلت الاجابه للحين