مرحبا شباب، حابب اليوم ضيف موضوع جديد و بتمنى من الكل يتعاون فيه، الموضوع هادا بيشبه "حدث في مثل هذا اليوم" بس الأحداث رح تكون خاصة بالعلم و العلماء فقط، و رح حاول قدر الإمكان و على قد ما بيسمحلي وقتي إني حط أحداث، بس إيد لحالها ما بتصفق، فمشان هيك ساعدوني و حطوا معلومات مشان كل واحد بفوت على أخوية يطلع بفائدة مهمة.
طبعا كلشي رح ينحط هوي منقول من مواقع عالانترنت، و من هلأ حكيت مشان ما ضل حط هالمعلومة كل مرة، و كمان رح بلش بيتاريخ 1/6، يعني 1 حزيران، ما تستغربوا، هادا يوم ميلادي
مرة تانية شباب خلينا نتعاون كلنا سوا، و كل واحد يحاول يدور على معلومات من تاريخ العلم و يحطلنا ياها، حتى لو تكررت المعلومة مو مشكلة؛ لأن بالإعادة إفادة، و شكرا مقدما للمشاركة و الاهتمام.
ولد في 1/6:
سير فرانك ويتل - Sir Frank Whittle
ولد في 1/6/1907 و توفي في 8/8/1996
مهندس طيران و طيار إنجليزي، كان رائدا في مجال الدفع النفاث، و عندما كان عمره فقط 21 عاما و بينما كان في كرانويل، بدأ ويتل في التفكير جديا في احتمالات تطبيق الدفع النفاث على الطائرات. بحلول عام 1930 كان قد صمم و اخترع نموذجا لمحرك طائرة نفاثة، و بعد ذلك ب 11 سنة تم اختبار و تعديل محرك ويتلو تم اختباره بنجاح في 15/5/1941. و مع نهاية الحرب العالمية الأولى تم صناعة و تطوير طائرات تطير بالدفع النفاث.
فرانسيس إدغار ستانلي و فريلان ستانلي - Francis Edgar Stanley and Freelan O. Stanley
ولدا في 1/6/1849 و توفيا في 31/7/1918 و 2/10/1940 على الترتيب.
مخترعين أميريكيين توأمين، أشهر مخترعين للسيارات العاملة على البخار، كما و اخترعا طريقة التصوير بالألواح الجافة و قاما بصنع الألواح الجافة. و بعدها تحول اهتمامهما إلى السيارات البخارية، و فعلا بدآا العمل على هذا النوع من السيارت عام 1897 و نافسا بنجاح في مجال سباق السيارت حيث حققا رقما عالميا قياسيا لأسرع ميل عام 1906، حيث استغرقا 28.2 ثانية لقطع ميل واحد بسيارتهاما، أي ما يعادل 205 كم/ساعة
ماركيز مافي - Marchese Francesco Scipione Maffei
ولد في 1/6/1675 و توفي في 11/2/1755.
كاتب مسرحي و عالم آثار إيطالي بدأ دراساته من عام 1718 و منذ عام 1732 أمضى أربع سنوات في ملاحقة الآثار و المعالم التاريخية في فرنسا و سافر في انجلترا و هولندا و ألمانيا. بنى متحفا وضع فيه مجموعته، و بعد مماته انتقلت ملكية المتحف إلى حكومة مدينته. حوى متحفه العديد من الآثار القديمة و النصوص الحجرية باللغات اللاتينية و اليونانية و العربية و العبرية و الفارسبة بالإضافة إلى المصرية. ماركيز كان مهتما أيضا بالفلك و الفيزياء و بنى مرصده الخاص ليدرس حركة النجوم. مدينته كرمته و بنت له تمثالا في بيازا دو سيجنوري Piazza de Signori
أحداث 1/6:
2002، تم تفعيل أول قانون يحرم التلويث الضوئي
1992، تم الإعلان عن اختراع ال E-lamp>
1965، الأخوين ويلسون اكتشفا إشعاع 3K لأشعة بدائية، و هذه نتجت عن الانفجار الكبير منذ ملايين السنيين.
1951، تم افتتاح مصنع تيتانيوم في هندرسون، نيفادا في الولايات المتحدة الأميركية.
1920 منح أديسون براءة اختراع Composition of Matter for Sound-Records or the Like and Process"(U.S. No. 1,342,326).
1869، استلم أديسون أول براءة اختراع "electrographic vote recorder"
1909، منح أديسون براءة اختراع (Shaft-Coupling" (U.S. No. 923,633".
27-6 (حزيران/يونيو)
طبعا قبل كلشي أنا كتييييييييير خاب أملي لأن مافي مشاركات بالموضوع، مو أصدي تفوتو عالموضوع و تقلولي شكرا و غيرو من هالمجاملات، أنا عماحكي عن متابعة أخبار العلم و نحطها بموضوع واحد مشان الكل يستفيد و يعرف شو صار بهلادنيا من قبل، بركي منستحي عحالنا و منفيق من هالنوم التئيل تبعنا.
المهم، أنا كنت متقاعس لأن استلمت شغل جديد و كلو إحصاء، و هيك مجال لازم الواحد يجمع معلومات(data) كتير، فكنت اشتغل بالبيت، يعني إضافي ، و التهيت كتير بهالشغل.
المهم بلا كترة حكي، و بتمنى يصير في مشاركة و اهتمام أكتر بالعلم، و يا شباب، هادا موضوعكن، مو بس موضوعي، و أنا عملتو مشاني و مشانكن، فخلونا نتعاون سوى على العلم.
1) في عام 1978 قامت الولايات المتحدة(كالعادة ) بإطلاق قمر مراقبة محيطات الأرض، و اسمو SeaSat و هالقمر كل يوم بيعمل 14 دورة حول الأرض و خلال 36 ساعة كان قادر إنو يغطي حوالي 96% من مجمل محيطات الأرض . و الحلو إنو أدوات القياس يللي موجود فيه -خلافا لمعظم أقمار الاستشعار عن بعد- بتقدر تخترق الغيوم و تقيس حرارة المي و التيارات و الأمواج الضوئية...الخ. و بالرغم من إنو تعطل بعد 99 يوم ، بس أثبت هالقمر التجريبي إنو ممكن نستخدم الاستشعار عن بعد RemoteSensing بجمع معلومات عن محيطات الأرض ، و طبعا المعلومات يللي جمعا "سيسات" انتقلت عبر العالم و خدمة السفن و الطيران عبر محيطات الأرض .
2) عام 1997، المركبة الفضائية ((The Near Earth Asteroid Rendezvous( NEAR)، يعني ملاقية المذنبات القريبة من الأرض، كانت على بعد 1200 كم من مذنب Mathilde ، و أخدتلو كتييييييير صور ، و للمعلومات العامة، المهمة الرئيسية لهالمركبة إنو تصير بمدار مذنب Eros يللي وصلتو عام 1999 و ضلت هنيك شي سنة زمان
3) عام 1978، السوفييت عملوا حركة و بعتوا رائد فضاء بولندي للفضاء على متن مركبة Salyut 6
4) اخترعوا العلماء عام 1978 بمتل هادا اليوم أول قلم حبر بينمحى the Gillette Eraser Mate
5) عام 1960 كلوروفيل a (chlorophyll "a" ) و هادا مكون مهم ببلاستيدات ورقة النبات و يللي مسؤول عن البناء الضوئي، تم تصنيعه أول مرة بمتل هادا اليوم عن طريق العالم روبرت بيرنس وودوارد و قدم هالمركب بجامعة هارفرد، و للشباب المختصين و حابين يعرفوا أكتر، المركب مكون من 55 ذرة كربون متصلة فيها 72 ذرة هايدروجين و 5 ذرات أوكسجين و ذرة مغنيسيوم، مشان هيك غالبا الاصفرار العادي للنبات(بس بدون آثار تانية) بكون دلالة على نقص مغنيسيوم.
6) عام 1954 بالاتحاد السوفييتي و تحديدا بمدينة أوبنينسك، أول محطة طاقة نووية بالعالم بلشت تنتج كهربا ، إييييييييييييييييه الله يرحم أيام الاتحاد السوفييتي
7) عام 1932، ببريطانيا، مختبرات بيرد عرضت كمية من التلفزيونات المنزلية 4×6 إنش
عام 1847 ارتبطت نيويورك مع بوسطن بخطوط تلغراف.
29-حزيران
1908 - انتخاب العالِِم الفرنسي الفيزيائي هنري بيكيريل، أحد مكتشفي الراديوم، أميناً عاماً دائماً لأكاديمية العلوم
1927 - كسوف للشمس كلي ونادر جداً طرأ في وسط انجلترا وشمالها
1938 - أعلن ألكسندر فلمنج اكتشافه لمادة البنسلين
1961 - أُطلق القمر الصناعي " ترانزيت-4أ" الأمريكي حاملاً الى الفضاء أول جهاز لتوليد الطاقة النووية باسم" سناب"
--------------------------------------------------------------------------------
