السلام عليكم ورحمه الله وبركاته
'>
اولا هذه اول مشاركه لى ف المنتديات العلميه
صحيح ادخلها منذ مده طويله ولكنى لم اسجل بها إلا بعد اطلاعى على الكثير من مواضيعها
وفعلا رأيت فيها ماكنت ابغيه
اسأل لكم التوفيق وان يكتب لكم هذا المجهود الطيب ف ميزان حسناتكم
وينفعنا واياكم بهذا العلم ونسأله المزيد
آمين
'>
المهم
نرجع للعنوان واظنه يظهر بعض ملامح الموضوع
بإختصار ومنعا للملل
'>
ف احدى كليات الهندسه ف مصر يخطط لتجهيز معمل لسنه اولى
ليتم الدراسه فيه من الترم القادم
وايضا لتجديد معمل اعدادى كله ف الترم القادم ايضا
مطلوب تحديد تجارب للمعمل وتجهيزها
لكن فيه كذا عامل لازم يكون ف الحسبان
اولا
الجامعه اللى بتكلم عنها هى جامعه حكوميه يعنى امكانياتها محدوده جداااا
وغالبا سيكون تجهيز المعمل بمجهودات ذاتيه من اعضاء هيئه التدريس
وده لازم يؤخذ ف الحسبان ف حاله شراء الاجهزه
ثانيا
طلبه هندسه دائما ينظروا لاعداد على انها سنه كليه علوم وكأن هذه السنه ارخم سنه وبعيده عن دراستهم الفعليه
يعنى مش شايفين لها لزمه اصلا
وده غالبا لانهم مش عرفين الربط بين السنه دى ودراستهم
عشان كده نفسى اتناول معهم اسلوب الفيزياء المسليه ف التجارب
واربط بين التجارب والتطبيقات الهندسيه
ثالثا
تعديل منهج الثانويه العامه تقريبا اعطاهم من الفيزياء مجرد عناوين
يعنى معرفتهم للفيزياء ضئيله جدااااا لدرجه ان منهم من لا يعرف شكل العدسه المحدبه ولا المقعره
رابعا
اغلب دراستهم- للفئه الغالبيه -كانت باللغه العربيه وده محيرنى اى لغه اجهز بها التجارب؟
طبعا اظن كل النقاط دى هتكون هينه ف حالة المشاركه والاقتراحات
لو كل واحد منكم شارك باقتراحه وبدأنا نشوف اللى ممكن من الصعب من المستحيل
اظن هنحصل على افضل مايكون
ويتبقى التنفيذ
يباه المطلوب
كل واحد يقدم تجربه على الاقل ويقدم لى مايراه ضرورى ف تناول هذه التجربه كتطبيق او قصتها
وتوضيح ان كان يراها مناسبه لاعدادى او لاولى
واللغه المناسبه
ولو فيه اى اقتراح او اى نقطه يود لفت الانتباه لها بخصوص هذا الموضوع
ارجو التفاعل مع الموضوع
وانتظر مشاركاتكم
نسألكم الدعاء
