السلام عليكم جميعاً.....
اشكر اخوي Cofetti ع طرحه للموضوع ...
اخواني السفير وفراشة و الشريطي "قطاع عرضي"
'> ع معلوماتهم ....
اولا .. أوجهه نصيحة للاخت فراشة بما انها تملك الكمبيوتر المحمول وتعاني من مشكلة الشحن ومعلومة للاخ السفير .... الشحن طوال الليل او اطالة وصل الجهاز الى الكهرباء هذا يضعف البطارية ويقصر من عمرها ... الافضل وهذه الطريقة جربتها بنفسي وهي عندما تكون بالبيت افصل البطارية واوصل الجهاز بالكهرباء .. يعني اشتغل ع الجهاز وهو موصل بالكهرباء ... واستعمل فقط البطارية عندما تخرج من البيت هذا راح يسهل عليك دايما ان البطاريه راح تكون مشحونه وان شا الله تعيش معاك بكامل عمرها ..... الطريقة محربة مع كمبيوترات ديل - اسير - اسوس .... Dell - Acer - Asus
ثانيا .. أخوي Cofetti هو مثل ماقال السفير .. لاينصح باستخدام المحمول والاعتماد عليه كليا .. يعني معنى كلامي انه يكون الجهاز الاساسي عندك .... لانه ماراح يكون عملي كثير اذا استعملته استعمال الكمبيوتر العادي الديسكتوب .... هذه نصيحة.
اما اذا كنت مصمم ع شراء المحمول .. فهذه اهم الاشياء اللي لازم تحطها براسك قبل تشريه...
اولا ... المعالج لازم يكون Mobile .... وهذا هو التقنيه الجديدة لمعالجات المحمول.. مميزاتها هي صغر حجم الجهاز .. واقل حرارة .... لان الاجهزة اللي قبلها او المعالجات اللي قبلها يكون حجمها اكبر ولما تكرفها تشوف الجهاز يبدا يسخن بشكل ملحوظ ع لوحة المفاتيح .. مو بس تكرفها .. استخدم الانترنت ع المحمول وراح تلاحظ السخونه .. اما الجيل الجديد تحل هالمشكلة بشكل ملحوظ للي استخدموا المعالجات السابقة...
ثانيا..
الاجهزة المحمولة تجي ع صنفين .. صنف لها فتحة محرك واحد اما للسي دي روم او للفلوبي ديسك ... يعني راح تقدر تركب اما مشغل اقراص الليزر او مشغل الفلوبي ديسك .. طبعا الشركة راح تعطيك الاثنين ... فائدة الصنف هذا خفة الجهاز .. وعيبه هو التبديل وحمل المحركين معا بالحقيبة...
الصنف الثاني .. جهاز اكبر له المحركين الاثنين مع بعض مايحتاج التبديل ..
ثالثا.. باقي المواصفات مثل الجهاز العادي اللهم المحمول بشغلات اكثر مثل مخرج الشبكة (تمكنك بشبك المحمول بشبكة محليه) .. اشعة IR انفرارد ... والبلو تووث ... ومخرج TV ... ومخرج للشاشة في رغبتك بايصال المحمول بشاشة كمبيوتر...
من افضل الشركات ... توشيبا - اسير - كومباك - اسوس - ديل .. هذه اللي اعرفها وجربتها.. توشيبا هو الافضل والاغلى وماجربته ... اسير حلو وعملي وهو نوع الاجهزة المحمولة اللي املكها من بينتيوم 3 الى 4 .... وكان في فرق كبير بين الموبايل والعادي .... اذا تبي تسال عن اسير اسال عن Travel Meta with Mobile Proccess ...
كومباك حلو وقوي بصراحة يعجبك .. اخر العروض اللي شفتها لكومباك..
المعالج: موبايل 2.2جيجاهرتز
الرام: 256دي دي رام..
الهارد ديسك: 60جيجابايت
الشاشة: 15انش
دي في دي / رايتر + فلوبي ديسك ... مركبين جميعا ع الجهاز..
انفرارد + مخرج TV + مودم + مخرج مونيتر + شبكة
يعني هذا الاهم وكان سعره تقريبا 6000ريال وشوي خلنا نقوول انه مايتعدى 7000ريال..
طبعا راح تلقى بنفس المواصفات لاسير وديل بسعر اقل .. لكن توشيبا راح تلقى اقل من المواصفات بسعر اعلى
ارجو ان افدت الاخوان بها المعلومات ... واي سوال انا بالخدمة
اخوكم
طارق